حاره العجائب

انشاء الله هيكون موضوع متجدد
التوبك ده فى شئ من الواقع وشئ من وحى الخيال
بس عموما التوبك بيتكلم عن الحاره المصريه بس العشوائيه
والحوارى دى كترت قوى فى بلدنا
واول حاجه هنعملها النهارده اننا هنتعرف على شخصيات حاره العجائب
اول شخصيه:الراوى: جاسر وده فلحوس شويه بيشوف الدنيا بنظره غير خالص بيحب كل الناس
بس فى مناوبات شر بتجيله بس الخير عنده اكتر وده المتعلم بتاع الحاره.
الشخصيه التانيه : الست حلويات ودى ست غريبه جدا كل حاجه بتحب تعرفها واى حاجه بتحشر نفسها فيها طول النهار فى الحاره حتى مش بتغسل وشها.
الشخصيه التالته: ماندو فتوه الحاره وبيتشاكل مع دبان وشه يحب الخناق زى عنيه وبيعتبر قسم الشرطه بيته التانى بس ليه حركات جدعنه شويه .
الشخصيه الرابعه : مسعد صاحب نظريه من جاور السعيد وده حلاق الحاره بس ده بيحلق شعر الناس الى بتدخله ويحط مكانها رغى قد كده واحسن واحد تعرف منه ايه الى بيحصل فى الحاره ومتفمش هو بيحب مين وبيكره مين.
الشخصيه الخامسه: ست الحسن انجى ودى دلوعه الحاره واجمل ما فى الحاره بس سلوكها فله
احسن واحده تتعاكس تحب المعاكسه زى عنيها .
الشخصيه السادسه: احمد فاروق وده نكته الحاره ده حكايه لوحده وبلاويه لوحدها تضحك واحسن واحد بيضرب بس بيحب المشاكل هو ومراته نؤه الاتنين ولا روميو وجولييت قصه حب لوحدهم
وفيه بعض الشخصيات الثانويه انشاء الله نعرفهم فى يوميات الحاره .
واعذرونى بجد على اسلوب الكتابه بتاعى بس انا حبيت اوصف حال الحاره المصريه فى الوقت الحالى فى 2009 وانشاء الله تعجبكم
بس منتظر اعرف منكم انى اكتب فى الموضوع ده ولا لاء